អង្ករ

ប្រទេសកម្ពុជាមានឈ្មោះអង្ករច្រើនប្រភេទ អាចថារហូតដល់រាប់រយឈ្មោះក៏មាន ប៉ុន្ដែបច្ចុប្បន្ននេះគេនិយមហូបជាប្រចាំថ្ងៃមិនដល់ ១០ប្រភេទនោះទេ។ ឈ្មោះអង្ករមួយចំនួន ដែលគេនិយមហៅនៅលើទីផ្សារ មានដូចជា៖ ១ អង្ករផ្កាម្លិះ ២ អង្ករផ្ការំដួល ៣ ផ្ការំដេង ៤ អង្ករផ្ការមៀត ៥ អង្ករសុម៉ាលី ៦ អង្ករផ្កាខ្ញី ៧ អង្ករនាងខុន ៨ អង្ករផ្កាផ្តៅ ៩ អង្ករង្ងោកពង់ ១០ ផ្សេងៗ បើទោះបីជាអង្ករដែលនិយមនៅលើទីផ្សារមានច្រើនប្រភេទដូចនៅខាងលើ ប៉ុន្ដែអំបូរអង្ករផ្កាម្លិះ ដែលគេនិយមពេញនិយមខ្លាំងបំផុត មានដូចជា អង្កររំដេង, រំដួល, សុម៉ាលី, និងអង្កររមៀត។ចំពោះមូលហេតុដែលគេនិយមអង្ករទាំងនេះ ព្រោះជាប្រភេទអង្ករដាំទៅជាបាយធ្វើឲ្យ បាយទន់ ស្អិតរមួត ឈ្ងុយឆ្ងាញ់ ទើបធ្វើឲ្យអ្នកហូបចូលចិត្តបំផុត។